زيت السانوج او حبة البركة للوجه و الشعر صنع يديك

السلام عليكم و رحمة الله تعالى و بركاته

في الكثير من الاحيان كنحتاجوا لزيت حبة البركة او السانوج كنشريوه بلاما كنعرفوا المصدر ديالو

 و اليوم ان شاء الله غادي نحضروه في المنزل بطريقة سهلة

و كيصلاح للوجه و الشعر فهو كيرطبهم

فهو مضاد للتجاعيد و الحبوب و يعطي نضارة للبشرة الجافة

المكونات

3 ملاعق كبيرة من  حبة البركة او السانوج مطحون


250 غرام او زلافة من زيت الزيتون

كنخلطوهم و نديروهم في قرعة معقمة تكون غامقة فحال ديال السيرو

نوضعوه في مكان مضلم بعيد عن الضوء و عن الحرارة مدة 3 اسابيع و نصفيوه و نأخدوا التفل او البقايا و

نعصروها مزيان  

في الصورة باقي مصفيتوا

ممكن نعمل بيه مساج للوجه او ندهن بيه الوجه قبل النوم بساعة

ويغسل في الصباح

او ناخد منه شوية و نسخنه في حمام مائي او حمام مريم و يستعمل للشعر

شاهد ايضا

وصفة الجدات لانبات الشعر و تكثيفه و اطالته

 لا تنسوا الانضمام للمدونة و ترك تعليقاتكم و اسئلتكم 

موفقين ديما باذن الله

اقرء المزيد

وصفة الجدات لانبات الشعر و تكثيفه و اطالته

السلام عليكم و رحمة الله تعالى و بركاته

العديد منا كيعاني من فراغات الشعر الامامية و من الشعر الخفيف و المتساقط

اليوم جبت ليكم وصفة قديمة و لكن فعالة و نتائجها واضحة جدا من الاستعمال الثالث

وصفة جدر القصب هي وصفة مغربية كانوا يستعملوها جداتنا لانبات الشعر و تكثيفه

مكونات الوصفة

جدر القصب يباع عند العطار

و زيت السانوج و ان لم يكن متوفر ممكن نعوضوه بزيت الزيتون

شاهد

 زيت السانوج او حبة البركة للوجه و الشعر صنع يديك

ناخدوا جدر القصب و نحرقوه فوق البوطة او وسط الجمر حتى يرجع لونه اسود

ندقوه و نغربلوه

ناخد منه قياس معلقة كبيرة و نخلطها مع كمية من زيت السانوج او زيت الزيتون

ندهن بيه جدور الشعر جيدا مع تدليك خفيف مدة 5 دقائق

نحرص على ان الخليط ما ينزلش على الجبهة حتى لا يتسبب في ضهور شعرغير مرغوب فيه

نبقاوا بيه مدة ساعة و يتغسل

تستعمل الوصفة مرتين كل اسبوع النتيجة من الاستعمال الثالث

لا تنسوا الانضمام للمدونة و ترك تعليقاتكم و اسئلتكم 

موفقين ديما باذن الله
 

اقرء المزيد

اصنعي مرطب و معطر للجسم بمكونات بسيطة

السلام عليكم و رحمة الله تعالى و بركاته

انقدم ليكم اليوم معطر ومرطب للجسم وو دايما من صنع يديك و بمكونات بسيطة

الوصفة

قرعة زيت جونسون الويفيرا فحال لي في الصورة

1 عطر صغير الياسمين

و 1 عطر صغير الفواكه او الفاني

العطرين متوفرين عند بائعي المسك امام المساجد بثمن 5 او 6 دراهم لكل واحد

نخلط الكل و نخليه 48 ساعة عاد نستعمله

و تمتعي بزيت معطر رائحته رائعة و لا احسن عطر

طريقة الاستعمال

يدهن به الجسم مباشرة بعد الاستحمام و الجسم كيكون باقي فيه القليل من الماء

و بالنسبة للمتزوجات تأخذ قطنة مع قطرات من الزيت المعطر و تمرروا على المناطق الحساسة

 قبل العلاقة الزوجية

 لا تنسوا الانضمام للمدونة و ترك تعليقاتكم و اسئلتكم 



موفقين ديما باذن الله

اقرء المزيد

ملح الحمام من صنع يديك لعلاج انتفاخ الارجل و الدوالي و مشاكل الدورة الدموية

السلام عليكم و رحمة الله تعالى و بركاته

من قديم كنعرفوا ان حمام الملح مريح للارجل من بعد يوم طويل من الاشغال المنزلية او

الاشتغال خارج البيت.

اليوم انحضروا هاذ الملح الصحي كينفع للارجل المنتفخة و الدورة الدموية والدوالي او الفاريس

و تنفع كذلك الناس الكبار في السن لي كيحسوا

بأن رجليهم كيسخنوا او ثقال عليهم

هاذ النوع من الملح كيتباع  بثمن باهض 

المكونات

 فيها كاس ملح غليضة لي كنفرشوا للسردين او الدجاج

 و ربع كاس بيكاربونات الصودا

 و 20 قطرة من زيت اساس الخزامى

 و شوية الخزامى 

 خلطي كلشي و ديريه في بواط و تاخد منه تديريه في البانيو للرجلين 

او في البنوار للجسم كامل او تديريه في السطل و تخويه عليك قبل ما تخرج من الحمام 


بالنسبة للناس لي عندهم الفاريس او الدوالي يستعملوا الملح مع ماء بارد


 لا تنسوا الانضمام للمدونة و ترك تعليقاتكم و اسئلتكم 

و موفقين ديما باذن الله

اقرء المزيد

مزيل االعرق طبيعي من صنع يديك فعال و مجرب

السلام عليكم

مع دخول فصل الصيف كنستعملوا مزيلات العرق 

التي تسبب للبعض في حساسية الجلد

جبت ليكم هاذ الوصفة تبعتها مند شهرين 

و النتيجة مرضية جدا الحمد لله

و ممكن تستعمل للبنوتات لي في سن المراهقة

اهم حاجة انها تستعمل مباشرة مور الحمام او الدوش

و تستعمل كل يوم عوض مزيلات العرق الكيماوية

المكونات

4 معالق صغار زيت الكوك مذوب 

2 معالق صغار بيكاربونات الصودا تباع في الصيدلية ما بين 6 و 7 دراهم

2معالق صغار نشا او مايزينا 

قطرات فقط من الحامض كيمنع الرائحة و كيبيض الابط يمكن نستغناو عليه في حالة الحساسية للحامض

قطعة من المسك مدقوقة

 زيت أساسي إختياري أنا استعملت 5 قطرات من زيت اساس الخزامى 

اشارة مهمة النساء الحوامل و الاطفال اقل من 5 سنوات ممنوع عليهم زيت الاساس فممكن يستعناوا عليه 


 تخلطي كلشي مزيان حتى يذوب المسك

 و تخويه في علبة أو ستيك قديم

 انا عملتوا في علبة فارغة و كيف تشوفوا في الصورة قربت نساليه

  بعد ما دوشي و تنشفي حطي شوية تحت الإبط. إيلا ما قدرتيش دوشي 

على الأقل غسلي الإبط بالما و الصابون و حطي شوية.

نتمنى تجربوه و ماتنساونيش من دعواتكن اخواتي 

وفقكن الله 

اقرء المزيد

القزبر يعالج ارتفاع الضغط الدموي و يزيل دهون البطن

السلام عليكم و رحمة الله تعالى و بركاته

 الكزبرة او القزبر الطري له فوائد صحية و علاجية عجيبة و يضيف نكهة مميزة للاكل





عن تجربة شخصية فهو فعال جدا في خفض ارتفاع الضغط الدموي او tension

يخلصك من السموم و الدهون في البطن


بعد غسل اوراق و اعواد القزبر نقوم بتقطيعه عشوائيا ووضعه في قارورة زجاجية

 و ملؤها بالماء المغلي تغطيتها نقوم بهذه العملية ليلا و في الصباح نشرب من الماء

 على الريق و نشربه طوال اليوم و نكرر العملية يوميا

نلاحظ خروج دهون ملحوضة مع البراز اعزكم الله


الموضوع مجهود شخصي سبق نزلتوا في احد المجلات

اقرء المزيد

ملح منسم رائع للشوربات و المشويات و المعجنات

السلام عليكم

هاذ الملح كنستعملها من زمان كانت جابتها شميشة

سنوات هاذي و جربتها و نفعاتني بزاف ما بقاتش كتخطاني

كتلذذ العديد من الاطباق منها الشربات بجميع انواعها فحال حساء السميدة او البلبولة او شوربة الخضر

كذلك كنستعملها في المعجنات les pattes او سباكيتي و في صلصة الطماطم

في المشويات سواءا الدجاج او اللحم او الديك الرومي او السمك

ننتقلوا للمكونات

نص باكية الملح

2 معالق كبار ابزار حبوب


5 حبات قرنفل

2 معالق كبار زعتر

3 اوراق سيدنا موسى

نطحن الكل جيدا في الخلاط الكهربائي

و توضع في قرعة زجاج محكمة الغلق

انا متأكدة لي جرباتها عمرها تخطاها

اقرء المزيد