السلام عليكم
اليوم ان شاء الله نحضروا الغاسول ديالنا بمواد
طبيعية 100 في 100 وبيدينا نصاوبوه
ان شاء الله ، للحصول على شعر صحي و طويل
غادي تحتاجي لكيلو الغاسول
حجرة يكون داكن اللون كيتباع عند العطار من الافضل هذا لي في البلاستيكة
كتاخدي المقلة ديال وجدة كتحطيها فوق البوطة تسخن او تحطي الطروفة الغاسول يسخنوا مزيان و يتشققوا
كاين الناس كيحطوه في الشمس حتى يتشقق و لكن في المقلة سريع
ثم ناخذ الاعشاب التالية 2 دراهم من كل واحد
ورد قرنفل خزامة ريحان
ازير السنبل البابونج الزعتر السانوج
كتغليهم مزيان و تغطيهم حتى يبردوا واحد الساعتين
تسخني الغاسول و تصفي فوقوا الاعشاب
خلطته مزيان و طحنته في الخلاط باش يجي رطب
سرحت بلاستيكة فوق طاوة الفران و
حطيته في الشمس من يومين حتى ثلاث ايام كييباس حتى يولي فحال لي في الصورة الفوق
و الناس لي ما عندهمش شمس ممكن يدخلوه لفرن ساخن و غير مشغل كل يوم حتى ييبس
هرسيه و جمعيه في بواطة
عند الاستعمال للشعر زيدي عليه ما طايب حتى يطلق و تشمي ريحته يا سلام
و يتوضع على شعر مبلل او تحضري بيه شومبوان طبيعي شوفي الوصفة بالضغط على هذا الرابط
بديل طبيعي للشومبو
او للوجه خودي شوية زيدي عليه ماء زهر و يتوضع كقناع
و بالصحة و الراحة
اي سؤال مرحبا
و اشترك معنا ليصاك كل جديد
0 التعليقات:
إرسال تعليق