السلام عليكم و رحمة الله تعالى و بركاته
و الصلاة و السلام على أشرف المرسلين
وصفة اليوم صابونة المعدنوس او البقدنوس
كلمة روعة قليلة في حقها
كما هو معروف فان للمعدنوس فوائد كثيرة على البشرة كيصفي و يبيض و يقاوم التجاعيد و البقع و الكلف
بلاما نطول عليكم هاهي مكونات صابونة المعدنوس لي غادي نحضروها في الدار
قبطة المعدنوس مغسولة
كاس ماء ورد
معلقة كبيرة حليب غبرة فحال نيدو
معلقة كبيرة نشا او مايزينة
معلقة كبيرة عسل
صابونة طاووس محكوكة
الطريقة
نقطعوا المعدنوس بالاوراق و العواد و نديروه في الخلاط نزيد عليه نيدو العسل ماء الورد و النشا
و نطحن الكل مزيان
ناخد كاسرول فوق النار ندير فيها الصابونة محكوكة و الخليط لي طحننا في الخلاط و نبقى نحرك حتى
يدوب و تنسجم كل العناصر
خوي الخليط في اناء مستطيل و ندخله للمجمد 6 ساعات حتى يجمد و نقطعوه بالموس و نحتافظوا بيه في المجمد في علبة مغلقة
ناخد منه قطعة نستعملها
من اول استعمال ستلاحضون الفرق
ممكن وضعه بضع دقائق على بشرتك ثم غسله
0 التعليقات:
إرسال تعليق